गोर भाई भेनेन जाहिर आव्हान आपन संस्कृति बचाडेरो अब आपने हाथे माई छ||गोर नरेश भाऊ राठोड़ (गोर धर्म प्रचारक मुंबई)

       जय गोर धर्म
  🔥🔥🔥🔥🔥🔥🔥🔥
  *ग्रुपे माई उपस्थित  से नायक कारभारी अनेक संघटना , राजकीय पक्ष माई काम कररे जकोण मार गोर भाई ,मित्रेन नम्र विनंती छ की 5 मिनट काडन समाजेर हिते माई  पोस्ट जरूर  वाचो व पसंद आई तो आंग शेयर करो 🙏🏼*

        *गोर धर्मेर आत्मचिंतन व प्रसार प्रचार करेर  गरज का छ......??????*

*कोई बंजारा केरे, कोई गोरमाटी,कोई लमानी....कोई लंबाडा हनु अनेक नामे ती आपन गोर बंजारा समाज बिखर मेलोच......*

         *आपन गोर धाटी, गोर संस्कृति, बोली–भाषा, रहन सहन अब अंधारे माई जारोच खुप काई लोग घरेम छचापरेती *कर्नाटका माई कनाडा, महाराष्ट्र माई मराठी, तेलंगाना माई तेलगु* *हनू प्रकार अनेक *भाषा माई घरेम बोल रेच घरेमा गोर बोली भाषा माई बोलरेे कोनी जेती आपन आयवाल *पीढ़ीन गोर संस्कृति काई छ आपन दवाली री गीत, ढावलो, होळी री लेंगी, आपनो डपडा ,नृत्य,आपन सांस्कृतिक  पेहराव,आपन गोर संस्कृति* *येर बद्दल आपन कळारे कोनी अगर हनुज रो तो भियाओ आय वाल भविष्य माई आपन गोर बंजारा समाजेरो अस्तित्व खत्म वे जाय....!*

     👉  *हर वर्ष लाखो गोर बंजारा भाई भेन आचे अाचे सीखे साखे लोग धर्म परिवर्तन कर रेच कोई ख्रिश्चन माई जारे, कोई मुस्लिम माई, पंजाब माई सिख धर्म  माई जारे यि आपने सारू खुप विचार करेर वात छ।* 

   *घरे घरे माई संघटना वेरिच घरे घरे माई नेता वेगे भियाओ   आपन तांडेर नायक–नायकनेरो मान कत छ, कारभारी, डाव – सान, हसाबी नसाबी, कत गे से...*

            *आव भियाओ अब एक गोर धर्म🏳️ धोळो धजा हेट आमा*

             *गोर छा गोर करीया.. मुवीमलक सरजीत करिया....गोरमाटीरो राज लाया सेवालाल बापु तारो बोल खरो करिया*
     
☝️  *काही  महत्वपूर्ण  मुद्दा ध्यान दे सरिक........*

*१)गोरुर दवाळी पद्धत वेगला कोरुर दवाळी पद्धत वेगला.*

*२)आपन होळी वेगला कोरुर  होळी वेगला.*

३) *आपनों समाज रोतो –रोतो गाय वालो गातो –गातो रोये वालो समाज छ*

*४) धर्म वे सारू काई लगाच = बोली भाषा +संस्कृति+रहन सहन+ओडाव पेराव+खान पान* *ये से वाते रेन चाय*

      *तो भियाओ आपन गोर धर्म का वे सकेनी आपनो सेज वेगळा  छ जो एक धर्मेम चावच तो आपन धर्म भी गोर छ दुसरो धर्म कु वे सकच आपणो  विचार करो .....??*

*आपण गोर माटी छा ,आपणो धर्म भी गोर छ, गोर धर्म*

*सिख धर्म,मुस्लिम धर्म खिश्च़न  धर्म वोर सोबतज *१२कोटि गोर बंजारा समाजेरो गोर धर्म छ..*

       *जागो भियाओ अब भी आजी वेळ गी कोणी , उटो जागो आपन गोर धर्म आपन समाजे सारू काम करो ,आपण धर्में जिवंत रखाडो, गोर धर्मरो प्रचार प्रसार करो .... आपन हक्क मागन  कोनी खोसन लो .....*

            *आपने तांडेम गोर धर्मरो बोर्ड लगाव आपन नायकेरो,कारभरीरो,डाव–सानेरोे ,गोर धर्म रक्षक, प्रचारकेरो नाम लिखो बोर्ड अनावरण करो , आपण तांडेर मान-सन्मान रखाडो...🙏🏼*

          *गोर धर्म आपन धाटी,संस्कती, आपन तांडेर परंपरा जतन करो *म से मार गोर भाई भेनेन जाहिर आव्हान करुचू की आपन संस्कृति बचाडेरो अब आपने हाथे माई छ आपन गोर संस्कृति (कसलात, ढावलो, आपनो नृत्य,  सीखो, घरेम गोर बोली भाषा बोलो हीच विनती करुचू...*
             
    *तमार काही प्रश्न र तो जरूर विचारो आपणेन सेन सोबत रेन गोर धर्मेर प्रचार प्रसार करेर छ*


*🌹जय गोर🌹*
*🌹जय गोर धर्म🌹*

 *गोर नरेश रामू राठोड*
     *चेंबूर,मुंबई*
*(गोर धर्म प्रचारक)*
🔥🔥🔥🔥🔥🔥🔥🔥🔥🔥🔥🔥🔥🔥🔥