बंजारा कविता

🏡⛺🏘 तांडा🏘🏘
   आतिक्रमण करणाके
   रोडेपर वकलडा.
   ओतेती सुरू हेगे
    गोरमाटीर तांडा।।१ ।।
            स्वच्छतार धडा सरकार
            रातदन गारो.
            उठपरभाती भिया
            टंबरेल लेन जारो।।२।।
विकासेर वात छोडो
घरेर निकळेकोणी तटा.
कारखानेर पिसा वटान
काटेन जारे साटा ।।३।।
        शिकेशिकाय तरूण भिया
         पियेलाग दारू.
        बोले लोक कोई
        कच तांडो सदारू।।४।।
बालबच्यार वायासारू
येचेलागे वावर.
आबतरी गोरमाटी
तारतोन सावर।।५।।
       कतराक रकाडोचो
       तांडेर दशा.
       बदलावा जलदी
       तांडेर दिशा।।६।
🌹🌹जय सेवालाल 🌹🌹